打破相士們的齋砵

小女子年關三十，
豬年沖正太歲！
多名風水命理師傅都說「今年運程不太好！」，
不太好的包括：愛情不結即分(已經率先幫佢應咗)、工作會有轉變(都叫做應咗)、冇偏財運(........)、會有與交通有關的意外(........)、面及齒有損傷有血光之災(我面部已經係大年初一流左血啦！星期五會去洗牙應埋一劫先！)..........仲有d 唔記得！

不過，今日我就打破咗佢地話我冇偏財運既一環，
我同屋企人打麻雀，我有贏錢架，
雖然唔係多，但係破到衰運都好呀！
年三十個晚同老豆夾份埋六合彩都中三個字架！
所以，我要謹記「正能量長存」！

今年我又有驛馬星啦！
大家都話我走動多，
楊師傅同麥師傅都話我往外地走，
會遇上異地情緣喎！

咁！.......依一年我去幾多次旅行好呢？