重生

重生的感覺真好！

勤努的與北京之旅死拚是我昨日的主要節目，晚上突然行雷閃電刮起大風雨，電腦即時出現異樣，為保我的一切努力，心想還是讓他好好休息吧，畢竟人家都已經九歲啦！年紀大啦，但操勞也不好！

關上電腦時，差不多二時四十五分，突然想起NOW有直播賽事，隨即衝出客廳，打開電視！不到十五分鐘，就看到十字軍團，和久未在英軍陣中出現的碧咸，賞心樂事！半場過去，雖然被重召的碧咸未有為球隊射入一球，但明顯看到他的加入，令球隊有別於過去9場沒有他的賽事，他真的好OK呀！好幾腳波都好到位，只係同隊友的感覺還差一點點，可能真係耐冇夾波。下半場，感覺好像返黎啦！最少有8成，自由球傳中，奧雲接應頭頂中，只差一點點就先開紀錄啦，再過一陣又一次死球戰術，今次係泰利頂到破網！YEAH！新舊隊長的一次完美合作，為英軍領先！碧咸返黎啦！英軍返來也！

雖然，英軍最後不能笑到尾，始終巴西整體上同腳法的確好過英軍，卡卡、細哨、羅賓奴幾下就過到你，真係冇得講，但係依場都算係英軍代表作。相信麥卡倫都覺得冇重召錯碧咸回歸啦掛！

HEHEHEHEH，我都係偏愛碧咸，偏心英軍！

仲要讚係唐寧同埋雷丁既索尼！

仲有...........他的SMS！