我有幸.........

昂平360昨晚發生意外，其中一輛回廠纜車墮下，還好未有造成傷亡。董事局表示，肇事原因未明，有待調查。而政府就聲明，在未有調查報告、補救措施及未能確定纜車安全下，不批准纜車重開。另外，旅發局亦表明，暫停向外國sales纜車。

咁..........即係話..........纜車重開無期！

咁..........會唔會成絕響呢？

我有幸.............

去年生日，有money姐「捨命陪君子」，係纜車出現多次突然停駛未有改善下，陪我坐了一次，仲要係來回添！仲要個日纜車都係有行行下突然停駛幾次，我地都驚自己會被吊半空！而上到大佛那邊，都冇咩玩！

如果佢真係唔開得返，好彩，都叫做坐過！

如果

其實依篇日記星期日個日就想寫，但係一直都冇時間！

星期日凌晨，我又收到SMS！照樣回覆！

但第二朝我起身，我突然係度諗............如果有一日唔再有SMS，咁會點呢？
又如果，我唔回覆d SMS，咁又會點呢？
究竟......想點呢？

money姐問我......「你還在乎？」

在乎！坦白說......我還在乎！
在乎佢在高興時會想起我，憤怒時亦會想起我！
但習慣左佢會想起我，有朝一日，佢唔再為依樣野send SMS俾我既時候..........


咁我會點呢？

燥

好少男人可以令我燥到火架！當然唔好計d親蜜朋友啦！

初相識都好地地既，但係近半年，依個真係極品呀！真係多講幾句就火都黎埋呀！

好似今晚咁！已經做到飯都唔記得食(又唔肚飽個度好喎！)，完全冇停手架啦！哈個位阿哥10點幾11點彈起身同我講，聽日幫手寫「拾平」版d稿呀！我話唔好聽日啦！你而家俾我啦！我今晚寫啦！聽日我怕冇時間呀！哈........佢竟然答我，我而家唔得喎，我整梗我個feature呀，我自己個feature都未搞掂！「拾平」d料我未執齊呀！

嘩！佢唔咁講都冇咁火呀！feature唔係返屋企寫架咩？係公司係咪應該搞掂d daily野先架咩？真係火爆囉！

究竟係咪我有問題呀？當然我冇講feature唔可以係公司寫，但係都係個句，做完daily野，有時間坐係度冇其他野做，你寫乜q都得！點解大家係面對工作既態度會咁唔同呢？

咁究竟邊隻態度先係啱架？

忙...忙...忙...+ 鬆了半口氣

忙...忙...忙...

最近忙到發癲！
其實，連我自己都唔明點解會忙到發癲？
係有氣冇掟抖個隻，
搞到我上個星期請人假黎寫稿兼抖抖！

自從北京回來，我就覺得自己開始忙到發癲，個人又唔係好集中到精神，又好多空然其來既事發生，解決得了的、解決不了的，都一齊來！

工作上，其實跟平日沒多大分別，仍然係一版起兩版止，只係近日多了assignment，多是早上就開工，可能時間上有d唔慣！好似今日咁，諗住WC唔係度，今日開12點，10點鐘點都走得啦啩！點知突然其來多一版本科、多半版travel，結果完成工作已經係12點幾！12個鐘..........唉！
本來，兩版本科對我來說都係家常便飯，不過近日有幸本組多年來首次有intern加盟，開始帶佢出assignment、俾稿佢寫！其實，佢ok 架，人又醒，文筆都通順架(jojo媽同j哥哥都話依樣野好重要！咁我都覺！)！只係對寫新聞還有待磨練，(坦白講，我都尚在磨練中，我都需要人家糾正！)就如是者，我每日俾稿佢寫，佢寫完俾我，我重頭睇一次完文，再執佢寫既野，再同佢解釋點解我會咁改同咁寫，我用多左好多時間同energy，講真.......真係想死架！最慘係.........佢ok 架嗎！咁又唔可以發癲鬧佢喎！唉！救命呀！

加油呀！小day！ 加油呀！J同學！

仲要唔知做乜鬼，近日日日都有assignment！仲要係sports野，唔出又唔係好得喎，因為唔係日日有國際大事發生啦！唔做本地野，冇頭就仲煩！唉.........................每年依個時候，都係S組鬧稿荒既時候呀！

=======================================

鬆了半口氣

今日終於出了一隻稿啦！出左travel啦！

依一件係一件令我覺得非常煩嫌既事，佢枝節太多啦！投訴、投訴..........，雖然有個投訴唔關我事，但係佢令到同依件事有關連既人都好緊張，Sales個邊每隔幾日就黎同我講一次相關事情，就連今日下午排位排版之前，都仲問我係咪掂！

係咁既情形下，令到我自己好緊張，首次投訴事件已經令我憤憤不平，心有不甘！佢仲要搞到我咁緊張，我想死囉！寫每隻字都諗真d，諗下咁會唔會中招。咁樣寫稿會痴線架喎！咁樣會精神衰弱架喎！我連同朋友傾計既時間都冇喎！

唉！

今日，終於出左一隻稿！放下左半舊石，鬆左半口氣！下個星期出埋隻feature，我就功成身退啦！唔q駛再同佢摶鬥啦！

期待2007年6月17日的來臨！